Ejani 40 - 60 minuta para terminit të caktuar. Mund të vini me shoqërues nëse nuk jeni të mitur ose gra shtatzëna.
Nëse jeni vonë ose nuk mund të vini për kontroll, ju lutemi na kontaktoni MENJËHERË
E gjithë procedura e qëndrimit në qendrën TEP zgjat deri në 3 orë.
Nëse për arsye të justifikuara kontrolli nuk mund të bëhet, do të njoftoheni në kohë.
ÇFARË MUND TË HANI DHE TË PINI
4-6 orë para kohës së terminit të caktuar, mund të pini vetëm ujë të thjeshtë. Merrni me vete 1,5 l ujë të thjeshtë.
Gjatë asaj periudhe janë të ndaluara përtypja e çamçakëzit dhe karameleve.
ÇFARË DUHET TË EVITOHET?
Evitoni punë fizike 24 orë para terminit.
PROCEDURA E SKANIMIT TEP/TK
Në ditën e terminit të caktuar, duhet ta dorëzoni gjithë dokumentacionin mjekësor që ka të bëjë me diagnozën, gjetjet nga ekzaminimet e tjera diagnostike (RTG, TK, MP, EHO, CD), jo më të vjetër se 12 muaj si dhe gjetjet laboratorike. (glikemia, analizë të gjakut, markerët e tumorit, jo më të vjetër se 3 muaj).
Merrni terapinë tuaj të rregullt në mëngjes dhe merreni me vete listën e barnave që i përdorni.
Para incizimit, vlera e glukozës në gjak duhet të kontrollohet me glukometër në Departamentin e diagnostikimit. Nëse përdorni barna për diabet (sëmundjen e sheqerit) ose pompë insuline, Ju lutemi na informoni me telefon PARA DITËS së incizimit. Nëse përdorni insulinë, merreni me vete.
Pas matjes së glikemisë, infermierja do t'ju drejtojë në dhomën e aplikimit të radiofarmaceutikut dhe dhomën e pushimit, ku duhet të pushoni 60 minuta.
Pas këtij intervali kohor, teknologu i radiologjisë do t'ju çojë në dhomën e skanimit dhe do t'ua shpjegojë procedurën e incizimit.
PAS PËRFUNDIMIT TË INCIZIMIT
Është e pëlqyeshme të evitoni kontakt me fëmijë të vegjël dhe gra shtatzëna në 24 orët e ardhshme.
PËR ÇDO PYETJE, NA KONTAKTONI NË NUMRIN E TELEFONIT 02 3078 098
